نوينا و النية علي الله ... نسد ودانا و نسد مناخيرنا
و نجرب الأكل الصيني
العزاء في عمر مكرم
العزاء في عمر مكرم
: تحديث
لقطات
اللقطة الأولي
أنا : مهتمين قوي بالجنينة .. علي فكرة النباتات المتسلقة دي حقيقية مش بلاستك , و التماثيل جميلة
اللقطة الثانية
أنا : شفت الوايتر ده ؟ البدلة اللي لابسها شكلها تحفة ,
الواد حسين اللي أتجوز قريب ده .. كان لابس واحدة شبهها ( تيبيكال ) في فرحه
اللقطة الثالثة
أنا : ( و إحنا قاعدين في غرفة الإنتظار ) , أنا أول مرة أشوف غرفة إنتظار الزباين تقعد تستني فيها لما ترابيزة تفضي .. اللي يعيش ياما يشوف صحيح
اللقطة الرابعة
أنا : هما بيوزعوا علينا فوط سخنة ليه ؟؟ هما ها يحلقولنا و لا حاجة ؟
اللقطة الخامسة
!! تيمو : تصدق أنا كنت فاكر العصيان دي شاليموهات
أنا : و الله العظيم و أنا كمان
اللقطة السادسة
( لقيت ورقة مينيو صغيرة علي الترابيزة ففتحتها و و قعدنا نختار منها ها ناكل أيه )
أنا : خايف أطلب سمك يطلع السمك اللي شبه الصراصير ده , و خايف أطلب بط علشان إنفلونزا الطيور و الباقي خايف أطلبه لأني مش عارف هو أيه أصلاً
ميجو : عليك و علي الفراخ .. دي حاجة مضمونة
اللقطة السابعة
إحنا كلنا ..( لبعضنا ) : ها ناخد مكرونة .. و ها ناخد سلطة .. سلطة بالفراخ برضه .. خليك في المضمون
اللقطة الثامنة
( يأتي الوايتر و يضع أمام كل واحد فينا قائمة الطعام " المينيو " و ينصرف )
أنا : أمال الورقة الضغيرة اللي كنا بنبص فيها دي كانت أيه ؟
اللقطة التاسعة
أنا : الأكل حلو .. بس هو السر في الصوص
ميجو : أحلي حاجة كانت السلطة
تيمو : أنا شاكك أنهم حاطين نبيت في الصوص
اللقطة العاشرة
( يقدم لنا الوايتر الشيك في صندوق خشبي صغير )
أنا : إفتح يا سمسم
نهاية منطقية جدا ً و متوقعة
( أنا : ( بعد ما قسم ميجو الحساب علي ثلاثة و قال لي حسابي لوحدي كام
بغباء ) ده حسابي أنا لوحدي و لا حسابنا كلنا ؟ )-
تيمو : مش ممكن نتفاهم مع الأخ أبو بدلة ده أنه يقسط علينا الحساب
إحنا ممكن ندفع جزء مقدم و يبقي يكتب علينا بالباقي كمبيالات
أنا : أنا فهمت دلوقتي هما ليه مركبين حديد علي الشبابيك
