لولا

by Thursday, January 01, 2009 10 تعليقات
عارفين حكاية فلسطين , و غزة
متخافوش ... مش ها أصدعكم بالكلام المتعاد
مش محتاج أحكي و أتكلم

... لكن متهيألي ممكن نغني

( بس عايزك تتخيل أن فلسطين هي واحدة أسمها ( لولا
! بس تخيل ... مش طالب منك أكثر من كده
( و لولا دي بتشتغل راقصة في ملهي ليلي شهير أسمه ( كوبا كابانا



( كلنا بنحب ( لولا

خمر الكرمة بيحرق في دمنا كل ليلة و إحنا بنتفرج عليها
و هي بترقص ... المارينجي و التشا تشا
جسدها أصبح مادة أساسية في التليفزيون و الراديو

( عايزك تتخيل كمان أن في واحد أسمه ( توني ) شغال معاها في ملهى ( الكوبا كابانا
كان بيحبها بجد
رغم أنه عمره ما شاف منها إلا العذاب
كان بيستحمل عبودية صاحب الملهي على أمل ييجي يوم و يكونوا هما الاتنين أحرار
كان مستعد يستحمل أي حاجة علشانها

لكن في الطرف الآخر من الكوبا كابانا .. كان في واحد قاعد من زمان
أسمه كان ( ريكو ) و كان لابس ألماظ و دهب في أيديه
كان بيحبها كمان ... بس بشكل مختلف
مكانش مستعد يدوق عذابها
كان عايز العسل
بأي ثمن


قام ( ريكو ) و نده ( لولا ) بعد ما خلصت رقصتها
وعدها بعالم من المسرات و العربدة
وعدها أنها معاه مش ها تشوف الموت
... ها تعيش للأبد
وعدها بوعود كتير ... أصل ريكو كان تاجر .. و تجارته هي الوعود
....كانت مترددة
..... كان لحوح
... كانت رقيقة
.... كان همجي
----------------

متهيألي بقية القصة ممكن نستنتجها بسهولة

ريكو همجي ... شهواني رغم ملامحة الصافية
توني مجنون بحبها
كراسي متطايرة
علي الأرضية بقع من الخمر و الدم
لكمة هنا ... و شلوت هناك
واحد ها يروح بيتهم و أسنانه ناقصين سنة
... أغلب الضرب كان تحت الحزام
في وسط المعمعة ... سمعوا صوت رصاصة
رصاصة طائشة وسط المعركة
مين قتل مين ؟
------------
إسمع الأغنية .. و غنيها معايا .. و أنت تعرف
copa cabana غني معايا أغنية
و أطلع في الآخر بكلمة واحدة

don't fall in love

..... لا تقع في الحب

إن إستطعت


---------------------



على باب الله

Developer

Cras justo odio, dapibus ac facilisis in, egestas eget quam. Curabitur blandit tempus porttitor. Vivamus sagittis lacus vel augue laoreet rutrum faucibus dolor auctor.