مدام توتلي بوتلي ..فيلم قصير من نوعية الستوب موشن أنيميشن
----
في الحقيقة مش ها أقدر أكتب نقد جيد عن الفيلم لأني واقع في غرامة .. نقدي ها يكون زي رسالة غرامية كتبها مراهق لمدرسة اللغة الفرنسية الجميلة اللي بتدرسه في المدرسة
الفيلم عبارة عن سيدة جميلة ( مدام توتلي بوتلي ) بتسافر في رحلة بالقطار
تيمة السفر وحيداً في القطار في حد ذاتها تيمة محببة إلي النفس .. علي الأقل هي محببة إلي نفسي
القطار لديه قدرة غريبة علي إطلاق العنان لخيالك و هواجسك المخيفة
مدام توتلي بتتعرض في بداية رحلتها لبعض المضايقات الصغيرة و بعد كده الأمور بتتطور و بتاخد منحني أكثر خطورة
الفيلم رشح لجائزة الأوسكار عن أفضل فيلم قصير للرسوم المتحركة .. لسنة 2007
صناع الفيلم طوروا عدد من الأساليب الجديدة في أفلام الستوب موشين و طبقوها في الفيلم ده
! العيون في الفيلم ده ها تنطق ... إطلع لفوق و خدلك بصة تانية علي العيون في الصور
ممكن تشوف التريلر بتاع الفيلم في الفيديو اللي تحت .. المفروض يحمل بسرعة .. مدته 40 ثانية
و ممكن تشوف الفيلم بالكامل عن طريق اللينك ده .. بس ما تتخضش السايت صيني بس هو أسرع سايت لقيت عليه النسخة الكاملة للفيلم .. أستني شوية يحمل و ها يبدأ الفيلم بدون مشاكل
cinemania لو عايز تشوف أفلام قصيرة تانية علي زوقي ممكن عن طريق لينك
اللي في آخر مساحة التدوينة
