أنتي جاية أشتغلي أيه ؟
قريت في ملحق السيارات بتاع جريدة الأهرام المصرية مقال جامد جداً لسخسية أسمها ( إسلام مشهور ) حسب ما فهمت أنه سواق " ماهر للسيارات من عينة " أنتي جاية أشتغلي أيه ؟
" سواقه .. بيب .. بيب .. أعوااا " -
المهم عمنا إسلام ده كان كاتب في مقاله - و بكل فخر - أن شركة فولكس فاجن للسيارات طورت نوع جديد من مواتير السيارات و توسمت في عم إسلام المهارة و الحذاقة الكافية لإختباره , و أنعمت عليه بلقب سواق إختباري للشركة .. يعني ياخد عربية فيها الموتور الجديد سابق الذكر و يأخد له بيها كام لفة و يختبر إمكانياته
لغاية هنا و الموضوع جميل و حلو لكن الغريبة هي أن كابتن إسلام مشهور ده قال في مقاله أنه أخد العربية من هنا و طلع بيها علي الطريق الصحراوي و داس بنزين لحد ما وصل لسرعة 280 كيلو متر / ساعة
طبعاً هو بيذكر الكلام الرهيب ده في المقال بتاعه بكل فخر و إنشكاح في الأسارير مش فاهم حضرته أن مهنة السواق الإختباري دي مهنة خطرة لأنها بتتطلب من السواق أنه يوصل بالسيارة لأقصي حدودها و ممكن جداً تقع حوادث و أضرار لا قدر الله
و هي مختلفة عن إختبار القيادة العادي المتاح للجميع عند بداية إنتاج جيل جديد من السيارات بشكل نهائي لأن دي بتبقي من عينة : جرب العربية ولو عجبتك أشتريها و في الغالب النوع ده بيبقي موجود معاك مراقب متخصص و أنت بتختبر القيادة علشان سلامتك و علشان ما تاخدش العربية سوق الخميس تفكفكها و تبيعها قطع غيار
أما التيست درايف بتاع عم إسلام ده فهو من النوع بتاع إدعك أم العربية و قول لنا أيه رأيك في الأداء بمناسبة أنك سواق ماهر
لذلك جري العرف .. أو بالأصح جري القانون في سائر الدول المتقدمة و الغير متقدمة علي أن إختبار السيارة يكون في مكان مناسب خالي من المارة أو السيارات الأخري يعني مثلاً في حلبة سباق سيارات خالية أو في مكان مخصص لإختبار السيارات علشان ما تختبرش أنت السيارة تقوم دايس لك نفرين كانوا بيعدوا الشارع و لا خابط لك عربيتين حظهم كان زفت و قطران و جم في سكتك و أنت بتختبر الموتور اللي معاك
مين وافق له علي أنه يختبر الموتور علي طريق فيه حركة مرورية ؟
و مين سمح له أنه يمشي بسرعة 280 كيلو / ساعة و دي سرعة جنونية علي حد علمي جايز جداً تكون الطرق المصرية - حتي لو كانت طرق صحراوية سريعة - مش معدة هندسياً ليها ؟
مين سمح له يتلاعب بأرواح الناس ؟ طب هو سواق إختباري و راجل فدائي طيب العالم المسافرة علي الطريق أيه ذنبها ؟
شيء غريب جداً
