في إتصال تليفوني على أحد محطات الراديو المحلية قال حمادة هلال أنه بصدد العمل على أغنية جديدة تتحدث عن " بطرس و محمد " و حاجات كتير بالشكل ده
و من المعروف طبعاً أن مصر خلاص إختارت " جمبري " معتبرة تحذيرات المنظمات الدولية اللي قالتلها :" أوعى الجمبري يعضك "، تدخلاً أجنبياً حقيراً في الشيبسي المصري لأن الشيبسي المصري خط أحمر من أيام سعد باشا زغلول لما طلع و قال عاش اللمون مع الشطة .. و من يومها عملنا طعم " الشطة و اللمون " اللي لحد النهاردة محدش قدر يهزمه
عزيزي العميل.. نحيطكم علماً بأنه في أصابع خفية بتلعب في مصر .. علشان كده لو لقيت صباع منهم في الشارع أتصل قوام بالقناة الفضائية المصرية ها تلاقي ضيف في البرنامج بيقول أنه هو شخصياً مصاحب واحد قبطي و بيعامله كويس خالص ، زي البني آدمين بالظبط .. مش مهم قوي الكلام ده .. المهم أنك تفتكر توطي صوت التليفزيون علشان يسمعوك كويس في الاستديو و انت بتقولهم : " معايا صباع " و طبعاً كل ما تتصل أكتر فرصتك في الفوز تكتر
Caravan Palace _ Lazy Place
