إعتدنا على رؤية سفن الفضاء و المخلوقات الفضائية في أفلام الخيال العلمي ، غالباً ما تكون الكائنات الفضائية شرسة ، غاضبة هدفها الإستيلاء على كوكبنا و إبادة بني البشر عن بكرة أبيهم ، اللهم إلا من بعض أفلام تعاملت مع الموضوع بشكل مختلف و من وجهة نظر أخرى
" سألنا نفسنا بعد ما شفنا الفيلم ... " هو الفيلم كان حلو و لا وحش ؟ 
و طالما شفت فيلم نوار و طابع ملحمي .. الأتنين كومبو في فيلم واحد ... و أنت مغمض يبقى الفيلم فيه راوي ها يروي القصة ... لأن كل ملحمة لازم يكون ليها راوي .. دي حاجة بديهية خالص 
السيناريو 
و لأن الصياعة أدب مش هز كتاف
Carl Douglas - Kung fu fighting
Hustle & Flow ( the movie ) Song : ( Hustle & Flow ) , It's Hard out here for a Pimp
---
و في رأيي أن إعلانات ميلودي أفلام .. تحاول أن تلعب علي نفس الوتر
لاحظ الطبيعة ( الكوميكساوية ) التي يحاولون أن يصبغوها علي البطل (اللي لابس أصفر ) و رداؤه الذي هو تنويعة أخري من رداء سوبر مان تلك التنويعة المنتشرة بشدة في أوساط الأبطال الخرافيين
The Increadibles كل هذا في قالب كوميدي بالطبع .. فالبطل السمين يشبه إلي حد كبير البطل الكرتوني في فيلم
حتي وقفته .. و يديه علي وسطه .. هي تنويعة أخري لسوبرمان .. و إيحاء بأنه شخصية بطل كرتوني خارج من كتب الكوميكس
و لكن هناك مشكلة كبيرة .. و هي أن المصريين ليست لديهم ثقافة الكوميكس .. هم لا يقرأونها
هل تعرف أن مجلة ميكي .. من حوالي سنتين توقفت عن الصدور لقلة الأرباح ؟؟
إلي أن أستطاعت العودة من جديد
نحن لا نقرأ الكوميكس .. لذلك سيكون الإنطباع العام للمشاهد المصري عند مشاهدة الإعلان هو نفسه هذا الإنطباع الذي طرأ علي ذهن صديقي ... و هو : .. في حاجة غلط في الإعلان ؟
و لكن المهم أنه قد تكونت لديك فكرة عامة الآن عما كان صناع الإعلان يفكرون قبل أن يبدأوا العمل
و تستطيع أن تشاهد و تحكم بنفسك .. هل نجحوا في غايتهم أم لا ؟
لينكات أخري .. حول الموضوع
برنامج سوني فيجا
الذي تستطيع بواسطته أن تصنع إعلان مثل ميلودي أفلام
Sony Vegas Movie Studio 8.0b Build 122 Platinum Edition
للتحميل مجاناً .. من هنا
مقطع فيديو علي اليوتيوب .. تستطيع مشاهدة تكنيك تصحيح الألوان منه
من هنا
------------------
هو صحيح أبن الوز عوام ؟؟
علي العموم هو لو ما عرفش يعوم .. ها يعوموه بالعافية
بكيفك .. غصب عنك .. هو ها يعوم يعني ها يعوم
قريت الخبر ده من فترة قريبة
" قبل أيام، أعلنت شركة “العدل غروب” عن بدء تصوير فيلم “شارع 18”.
و أبطال الفيلم هم أحمد فلوكس ودنيا غانم وعمر يوسف.
الأول هو نجل الممثل فاروق فلوكس، والثانية هي كريمة سمير غانم ودلال عبد العزيز.
أما الأخير فيقف للمرة الأولى أمام الكاميرا، آملاً استقطاب القليل من الأضواء،
خصوصاً أنه نجل حسن يوسف وشمس الباردوي. "
طبعاً أنت لو سينمانجي قديم ( جاية من السينما يعني )
ها تلاحظ أن البوستر ده نظام جزء من الوجه في شريحة طولية
أتكرر كتير قبل كده في الأفلام الأجنبية
x menيمكن كان آخرهم فيلم
ocean's eleven بل أن الفكرة دي قديمة جداً لدرجة أنهم أستخدموها في
الأصلي بتاع فرانك سيناترا
لكن علي العموم دي مش مشكلتنا دلوقتي ..
ده غير أن الواحد أتعود علي نظام الإستسهال ده بصراحة
المهم
حسبتها في دماغي كده .. مع العلم أني مش متابع جيد .. و لا حتي متابع أصلاً .. للسينما و التليفزيون المصري
لكن علي قدر معلوماتي القليلة حاولت أحسب أولاد الممثلين اللي بيمثلوا .. يطلعوا كام واحد ؟؟
و في دماغي عملت لستة حلوة .. خد عندك :
أبن أحمد ذكي و أولاد عادل إمام, و أبن صلاح السعدني , و أبن فاروق الفيشاوي ,
و بنت سمير غانم , و بنت كرم مطاوع , و بنت فريد شوقي , وبنت زيزي مصطفي
و أبن سعيد عبد الغني و أبن فاروق فلوكس , و أبن أحمد ماهر و أبن مصطفي الدمرداش ,
و أبن جلال عبد القوي , و أخو إلهام شاهين الصغنن و بنت أشرف عبد الغفور ,
و أولاد محمود ياسين الأتنين في عين العدو و الحسود ,
و أولاد المخرج توفيق جلال ربنا يخليهم له يا رب
------
كل أولاد الفنانين دول أتحفونا بتمثيلهم و أتفرضوا علينا في التليفزيون و السينما
و العملية أصبحت نسبية .. يعني مثلاً لو أنت أبن ممثل نص كم
(يعني أدوار تليفزيونية , و سينما علي خفيف و مشي حالك )
يبقي ها تبدأ في المسلسلات اللي بقت تكية أبوهم ..و تهوبص فيها براحتك
و والله لو ربنا سهلهالك و الجمهور شاف أن دمك مش تقيل قوي يعني
لدرجة الفقع و إنفجار المرارة .. يبقي تلعب في السينما أدوار معقولة أو بطولة مشتركة
أو بمعني أصح ( تأخد أي دور يجيلك و السلام )
و بعد كده تخش بفيلم بطولة مطلقة
و متخافش .. ها يحصل أيه يعني ؟؟
ها يسقط أكتر ما سقط فيم ( أشتاتاً شلتوت ) بتاع مدحت صالح ؟؟
مش ممكن أبداً
أما بقي لو كان أبوك ممثل تقيل و مترستق في الوسط السينمائي
يعني حاجة كده زي عادل إمام و لا أحمد ذكي
يبقي ليه تتعب نفسك ؟؟ أديها بطولة خبط لزق من أولها
و مش مشكلة لو أول فيلم ما نجحش .. عادي خالص
أعمل فيلم تاني و تالت .. و يكونوا بطولتك برضه
و ما تخافش من حاجة .. لو أفلامك سقطت كلها و فلستلك كام منتج .. و لا يهمك
تكية أبوكم ( اللي هي المسلسلات ) أبوابها مفتوحة لكل اللي بيفشل في السينما
و فلوسها حلوة برضه
يعني ها نشوف أولاد البهوات الممثلين الكبار في السيما و في التليفزيون
و خريجي معهد السينما و معهد الفنون المسرحية يبقوا يروحوا يبيعوا فجل
و لو حد منهم ربنا كرمه .. يمكن يطلع كومبارس في فيلم و لا مسلسل
و اللي مش عاجبه يخبط راسه في الحيط
أو يبيع التليفزيون بتاعه و يشتري بداله مروحة توشيبا
بس يبقي يتغطي لو حب ينام تحتها لحسن ياخد برد
