Death By Snu Snu

في أول حلقات الموسم الثالت من مسلسل الرسوم المتحركة الأمريكي فيوتشوراما Futurama (مسلسل خيال علمي/ كوميدي ) بيحصل لأبطال السلسلة موقف أتهرس في مليون حدوتة قبل كده وهو انهم يقعوا بسفينتهم الفضائية في كوكب النساء . كوكب كل اللي عايشين فيه نساء وتحديدا نساوين مُفترية (اسمهن النساء الامازونيات ) ؛ دولا ستات طوال وعراض وصحتهم حلوة بزيادة ، بيشتغلوا محاربين وقطاعين طرق ، حلوين فشخ وطبعا عندهن كراهية عميقة لصنف الرجالة .

قوم يا سيد النساء الامازونيات دول يمسكوا الرجالة أبطال المسلسل ويمسمروهم في الحيطة بعدين يسألوا البنات اللي كانوا معاهم ( واللي مش ممسمرينهم على الحيطة جنب الرجاله علشان دول بنات ) عن اهمية الجنس العجيب دا اللي اسمه "الدكر" . فيتكسفوا البنات ويوشوشوهن في ودانهم . بعدين يفهم الامازونيات ويقولوا " آه قصدكم ال سنو سنو يعني "

*نفهم من هنا ان ال "سنو سنو" دا اللي هو "النيك" .

ويروح الامازونيات يسألوا الكمبيوتر/الإله بتاعهم " نعمل في الرجاله دول ايه ؟ "

يرد عليهم الكمبيوتر/الإله " قررنا تكون عقوبتهم : سنو سنو حتى الموت "

يقوم الابطال بتوعنا ( وهما متمسمرين على الحيط ) يبتهجوا ويفرحوا ويهنوا بعض . وفي الاثناء دي واحد منهم يزعل على مصيره فيستعجب الباقيين ويسألوه بإستنكار " أحا يا عم مالك انت خول ولا ايه ؟! "

وعقوبة ال "سنو سنو حتى الموت" هي عقوبة الإعدام اللي اظن انو 99.9% من الرجالة هيفضلوها عن الشنق والرصاص والكهربا مثلا .

وفكرة العقوبة ( كما يشرحها مسلسل فيوتشوراما ) هي انك تمارس ال "سنو سنو" مع الامازونيات الحلوين اللي صحتهم حلوة دول لحد ما عضمة الحوض عندك تتكسر وتموت .. الفكرة بشعة ومخيفة مفيش كلام بس الصورة التوضيحية (ج2) اللي تحت الفقرة دي من مشهد في نفس المسلسل بيظهر هياكل احفورية لرجال تم تطبيق العقوبة عليهم وابتسامة الرضا منورة جماجمهم بيوضح انها طريقة إعدام مش بطالة خالص .

ج2

مسألة كوكب النساء أو جزيرة النساء دي فكرة قديمة قوي . وفكك من محاولة تفسيرها بشكل مكلكع زي حوارات فراس السواح بتاعة "المرأة هي أصل البشرية" و تيمة الإلهة الأنثى سبقت الإله الدكر في الوجود و"أنانا وعشتار وحلواني فينوس ونعناع إيزيس" بتاع كتب فراس السواح دا .

أو حوارات الانثربولوجيا بتاعة انو الوعي الجمعي -او اللا وعي الجمعي .. مش متأكد صراحة - بيحاول يسترجع نوستالجيا عصر سيادة المرأة (العصر المتريركي) الأمومي/الأنثوي اللي سبق عصر سيادة الرجل ، العصر الأبوي/الذكوري أو (العصر البطريركي) اللي لسه مستمر معانا لحد ما بقينا حبة عينين سيات الفريق عبفتاح السيسي اللي هيدخلنا معاه إنشا الله (العصر السيسي) بعد ما مصر أم الدنيا تبقى قد الدنيا .

س18

المهم انو فكرة الحياة على جزيرة من النسوان فكرة محببة للذكر . يعني إنعدام المنافسة مثلا .. فيش غير امه قدامك يا بت ، هتحبيه وتدلعيه يعني هتحبيه وتدلعيه . وتحصل منافسة عكسية بينك وبين المزز زمايلك للفوز بيه / أو ( وهو المستحب و المفضل يعني ) يحصل "تيم وورك " ما بينكم و تكتشفوا روح الفريق واللعب الجماعي مع الدكر الأوحد ، ديك البرابر .

علشان كده جزيرة الفتيات الجميلات كانت تيمة مكررة في الادب الشعبي والميثولوجيا والأفلام السينمائية بشكل واسع (الصورة التوضيحية "س18" - شون كونري في دور فتك أفندي جيمس بوند من فيلم you only live twice)

خ7

دا بالنسبة لجزيرة الجميلات ، بالنسبة لأن الجميلات دول جامدين وشرسين وبتوع حرب "المرأة الحديدية" يعني وكده فدا يرجع لأكثر من سبب من ضمنهم الكابتن هيرودت بتاع "مصر هبة النيل" وهوميروس بتاع "الإلياذة" وشوية هتش يوناني يظهر كان مسمع جامد حوار الجيش/القبيلة النساويني دا لدرجة انو فرانشسكو دي اوريلانا قال لك انو شافهم عند حوض نهر في امريكا الجنوبية في منتصف القرن الستاشر قام اتهف في عقله وسمى النهر بأسمهم " نهر الأمازون" .

والامازونيات في الميثولوجي اليوناني كمصطلح بيقول لك معناه قد يكون : الستات اللي من غير بزاز .. وتفنيطتها كالآتي :

 "a-":  meaning "without"

"mazos", meaning "breast"

ودا لأنهم كانوا بيقطعوا ثديهم اليمين كنوع من الصياعة يعني و/أو علشان يسهل لهم النيشان بالقوس والسهم .. بإختصار كانوا نساوين فاقدة ومقطعين بطايقهم . 
*صورة توضيحية (خ7) لأميرة الحرب "زينة" المسلسل الذي كان يُعرض على شاشات التليفزيون الحكومي في التسعينيات . 



المهم خُلاصة الرغي الكتير دا انو عقوبة ال "سنو سنو حتى الموت" دي عقوبة يلزمها نساوين حلوة ، ذات مواصفات جسمانية وعضلية تفوق مستوى الدكر المتوسط ويكونوا بيتميزوا بكراهية غير مبررة لجنس الرجالة وطاعة عمياء للكمبيوتر/الإله بتاعهم .. وإنطباع العقوبة دي على الرجل إنطباع معقد شديد التعقيد خصوصا في المجتمعات المتدينة زي مجتمعنا الشرقي اللي بيقدس الموت إلى درجة الشحتفة ويشتهي الجنس بشحتفة مقابلة . وكل ما كان المحكوم عليه متدين اكتر كل ما كانت الصدمة النفسية والجسدية والعقلية أكبر عند الحكم عليه بعقوبة ال"سنو سنو حتى الموت" 

ولذلك ولأجل كل ما سبق ورغينا فيه أقترح إعتماد عقوبة ال "سنو سنو حتى الموت" كعقاب إلزامي وأوحد لكل من تثبت إدانته بإرتكاب أعمال إرهابية في مصر . 
مصر تحارب الإرهاب وهي مليئة ولله الحمد بالأمازونيات المستعدات جسمانيا وعضليا لخدمة وطنهم وبيكرهوا صنف الرجالة بالفعل وبيطيعوا السيسي و/أو شريف مدكور والشيف شربيني طاعة عمياء . 
كمان مليئة بالإرهابيين اللي بيقدسوا الموت وبيتشحتفوا على ممارسة الجنس وبيعانوا من كبت جنسي ها يفرتك البنطلون زيهم زي اخواتهم على ارض الوطن هتواجهم مشكلة أفلاطونية في مسألة عقوبة ال "سنو سنو" دي . فلو فشل الإرهابي انو يموت أثناء تفجير القنبلة مثلا واتحكم عليه هيستقبل حكم الموت بفرح طمعا في "السنو سنو " بتاع الجنة مع حور العين . لكنه الموت عن طريق عقوبة ال"سنو سنو" على الأرض شيء ها يستمتع بيه لأنو الأنترلوب هيفرتك البنطلون فمهما ضحك على نفسه وقال انو مش هيستمتع بالحكم فهو في الحقيقة ها يستمتع فشخ طيب دا معناه انو بقى مشارك في الجريمة وبقى زاني يعني مفيش "سنو سنو" في الجنة والمفروض طالما هو مُجبر على الأقل ما يستمتعش بس مش هيعرف ميستمتعش ومش هيلحق يتوب علشان الفعل دا ذات نفسه هو اللي هيموته  .. ودا بيؤدي لنتيجة حتمية وهي انو عقوبة ال "سنو سنو حتى الموت" كفيلة بالقضاء على الإرهاب في بر مصر مرة واحدة وإلى الأبد .

( Recommended for your ears ) : Billie Holiday - Glad To Be Unhappy (DJ Logic Remix)

----

عبث ما بعد الحداثة 

يعرف المثقف المصري جيداً أن عصر ما بعد الحداثة يسمح للكاتب أن يطوِّع الكلمات كما يشاء لتواكب فكره الحداثي ، و لا محيص أبداً إن مططت اللغة و بططتها تبطيطاً و لويت قدمها وراء قفاها بما يلائم الأفكار العبثية الخلاقة لعصر ما بعد الحداثة ، و المتابع المثابر لمختلف الصحف و البرامج الإخبارية المصرية يلاحظ بسهولة مسألة تطويع اللغة الحداثية عبر نشوء و إرتقاء مصطلحات جنينية تتخذ طريقها عبر الوأوأة و التبول اللا إرادي إلى مكانتها الجديدة في اللغة الفكرية و المجتمع النخبوي الثقافي 
و لنا الفخر - نحن المصريين - إذ قد سبقنا العالم كله و كنا أول أمة على هذا الكوكب البيضاوي تدخل إلى عصر ما بعد الحداثة حتى دون أن نمر على عصور الحداثة التي يمر بها الغرب حالياً . لكننا إنتقلنا - بقفزة واحدة - من مرحلة " الجمع و الإلتقاط " التي يطلق عليها الغرب " عصر الدول المتخلفة " إلى مرحلة العبث ما بعد الحداثي كل هذا فقط في 30 سنة

و نضالنا هذا قد كُلل بالنجاح بعد فشل مرحلتي التأميم و الخصخصة و إنتهاء موجة الإنفتاح و الإنتفاخ  و أفلام المقاولات إذ لم يعد لدينا - نحن النخبة المصرية المثقفة - فرصة أخرى سوى ركوب موجة العبث و التمسك بالعبثية كخيار إستراتيجي للمرحلة 

و لذلك يقف العالم الغربي - المتأخر ثقافياً - مشدوها و ريالته نازله على ذقنه أمام عبثية الواقع المصري ما بعد الحداثية

فالمراقب الغربي يقف مندهشاً أمام مرشح مجلس الشعب المصري الذي ينزل إلى الشارع بحملة إنتخابية شعارها : ( عم حُزنبل ..  فاعل خير .. دايماً أحب أساعد الغير ) و لكنه يخسر في جولة الإعادة بفارق صوتين و نصف الصوت علماً بأنه لم يتقدم أحد بالترشح أمامه على نفس الكرسي

أو حين يعلم أن البرلمان المصري قرر تضييق حجم المقاعد البرلمانية نظرأ لزيادة عدد أعضاء هذه الدورة وسط توقعات بزيادة معدلات التحرش الجنسي داخل المجلس خصوصاً أن كل عضو سوف يقعد " على سيفه " مستخدماً فردة واحدة من فردتي مؤخرته و تاركاً الأخرى في مهب الريح

أو حين يخرج رئيس الحزب معلنا امام الرأي العام العالمي أن عملية التزوير قد شابتها بعض الإنتخابات و لكنها كانت غير مؤثرة على نتائج العملية و نزاهتها 

هوامش : الصور من ألبوم حاتم فهمي

----
غمض عينيك و أرقص بخفة و دلع - مسار إجباري

--

أنا أصلي لما بتعصب .. ياااه .... بكون وحش خالص

أنا و أخويا علي أبن عمي ... و أنا و أبن عمي علي الغريب

تعالوا نتأمل شوية في المثل ده ... لأنه بيتحكم في الكثير من نواحي حياتنا .. يمكن حتي من غير ما نشعر

هو أولاً واضح أن المثل لا يضع إعتباراً لمن يملك الحق .. يعني مش مهم قوي مين يكون علي حق

أنا و أخويا علي أبن عمي .. سواء كان الحق مع أخي أو مع أبن عمي .. سيان

الأساس الثابت هو : أني مع أخويا .. و علي إبن عمي

بغض النظر عن من الظالم و من المظلوم ... أو حتي بالرغم من .. من الظالم و من المظلوم

أبن عمي مش غلطان .. أخويا هو اللي غلطان .. طيب بس ده أخويا برضه و الدم عمره ما يبقي مية

إذاً .. لازم صلة القربي تتفوق علي العدل

لأني وقعت في منطقة مش لذيذة .. يا إما أكون عادل و أروح في صف أبن عمي

يا إما أفضل صلة القربي علي العدل .. و أروح في صف أخويا

.... مشكلة ... بس الحمد لله أن المثل ده موجود علشان يحلهالي

طيب .. مشينا زي المثل ما بيقول .. و أخدت أخويا من أيده و رحنا أدينا أبن عمي علقة معتبرة مع أنه مش غلطان

و ماله ؟؟ ... ده أقل واجب ... المهم .. الموضوع خلص علي كذلك

لفت الأيام .. و لقيت أبن عمي بيخبط علي الباب .. خير يا وله ؟

طلع قال أيه ... زعلان مع واحد غريب مش من العيلة

بالأنجليزي v قمت متعصب , و أنا لما أتعصب بكون وحش جداً .. وداني بتحمر و في عرقين علي شكل حرف

بيطلعولي علي جبهتي

و من غير ما أسأل أبن عمي هو أيه الحكاية .. قلت له أنا معاك يا ولد العم

ده أنت أبن عمي .. و عمر الدم ما يبقي مية

و أخدته من أيده و رحنا للغريب ده و رقعناه علقة سخنة .. لكميات علي شلاليت علي أقلام

و في الأحيان اللي فيها كانت أسناني مش بتعضعض في جتته .. كنت بشتم

المهم .. قضينا الواجب .. و نصرنا أبن عمي .. اللي كنت لسة من يومين بضربه لما كنت مع أخويا

و رجعت البيت و أنا راضي عن نفسي

و أنا بصراحة مش عارف ليه المثل وقف عند الغريب ده ؟

مش جايز الغريب ده يكون جاري ... و أكلنا مع بعض عيش و ملح ؟

: المفروض المثل يكبر و يبقي كده

أنا و أخويا علي أبن عمي .. و أنا و أبن عمي علي الغريب .. و أنا و الغريب علي الشخصيات الكرتونية

: و بكده تستمر الحكاية .. و يجيلي في يوم الغريب ده و يقول لي

"الواد ميكي ماوس ده مش نازل لي من زور .. مش عارف ليه كده مش بقبل شكله "

أقوم أتعصب .. و أنا زي ما أنتم عارفين .. لما بتعصب .. بكون وحش خالص

أياه يطلعلي .. و حالتي بتبقي نيلة v و حرف ال

خلاصة الكلام .. أخدت الواد غريب من أيده .. و طلعنا علي ديزني لاند

و مسكنا الواد ميكي ماوس .. و رقعناه علقة من اللي قلبك يحبها

أمال ؟؟ .. ده أقل واجب

---

طيب ليه نقف عند كده .. الحكاية - بصراحة - أحلوت في عيني

: ما نكبر المثل كمان و كمان ... و يبقي كده

أنا و أخويا علي أبن عمي ... و أنا و أبن عمي علي الغريب .. و أنا و الغريب علي الشخصيات الكرتونية ... و أنا و الشخصيات الكرتونية علي الكائنات الفضائية

و نكمل الحكاية .. و هو أحنا ورانا حاجة .. يا سيدي أدينا بنتسلي

ده مش نازل لي من زور E.T. و في مرة يجيلي عم ميكي ماوس .. و يقول لي الواد

فارد نفسه كده .. و عامل فيها فنط علي الشعب ... أطباق طايرة بقي و صباع بينور في الضلمة

و حبشتكانات كده مالهاش لزمة .. و بصراحة دماغة اللي شبه القلقاسة دي منظرها بيعصبني

المهم الواد ده لازم يتربي

أنا بقي أول ما سمعت الكلام ده .. إتعصبت

و أنتوا عارفين بقي العبد لله لما يتعصب .. بيبقي حاجة صعبة خالص

و أخدت الواد ميكي ماوس من أيده و ركبنا أول مكروباص رايح المريخ

ما أهو أصل الدم عمره ما يبقي مية .. و العشرة ما تهونش إلا علي أولاد الحرام

------------------

الكلمات المتقاطعة : عصبي ... عصبية ... تعصب .. تمييز ... إضطهاد ... عنف ... إرهاب ... موت

----------